اللهجة القصيمية

بسم الله الرحمن الرحيم

السلام عليكم ورحمه الله...

جبت لكم اللهجة القصيمية واتمنى تعجبكم...

تقع منطقه القصيم بوسط السعوديه ، تشتهر القصيم بالزراعه وهى واحه خضراء بوسط السعوديه ، الا ان اللهجه القصيميه

تستخدم كلمات انجليزيه لا احد يعلم من اين دخلت هذه الكلمات واظن انها تشابه بالنطق فقط بدون المعنى

الكلمة الاولى

الكلمة القصيمية ............. مرادفها الانجليزي

...... قوووه ........................... GO .......

قووه ليست قوة بمعنى طاقة ، تعني : هيّا ، وهي من اكثر الكلمات القصيمية استخداماً وشيوعاً

مثال على ذلك : يقول الاب لابنه قووه نروح نسلم على عمك

يعني : هيا بنا نذهب ونسلم على عمك

الكلمة الثانية

الكلمة القصيمية .................. مرادفها الانجليزي

.... هماي ............................... AM I ........

وهي من صيغة من صيغ السؤال ومعناها: الم وليس ألم بمعنى وجع

مثال على ذلك : يقول الاب لابنه : هماي قايلك جب جريدة اليوم

ومعناه : ألم اقل لك ان تأتي بجريدة اليوم

الكلمة الثالثة

الكلمة القصيمية ............. مرادفها الانجليزي

.....ييّزي ........................ EASY .......

اختلف علماء اللغة في معناها ولكن الاصح هو خلاص او يسد او بس

مثال على ذلك : تقول الام لولدها الدب : بس ياوليدي ييزي اكل صاير مثل البقره

ومعنى الجملة : توقف يابني عن الاكل ، خلاص لقد اصبحت كأنك بقره

ونرى انه هناك احتلاف في المعنى القصيمي والمعنى الانجليزي حيث انها في الانجليزي تعني بسيط او سهل ورجح العلماء

الاختلاف هو بسبب ظروف التعرية والتصحر

الكلمة الرابعة

الكلمة القصيمية ............. مرادفها الانجليزي

...... هوّ .............................. OH ........

وهي اسلوب وصيغة من صيغ التعجب ويجب ان يأتي بعدها سؤال في اغلب الاحيان

فمثلاتقول الام لابنتها النائمه : هوّ وراتس * مارحتي الجامعة اليوم

معنى ذلك : لمذا لم تذهبي للجامعة اليوم

وعلل علماء اللغه ان (( هوّ )) عكس مرادفها الانجليزي وذلك لانه المعروف بان اللغة العربية تبدا من اليمين لليسار بعكس

اللغه الانجليزية التي تبدا من اليسار لليمين فأدى ذلك الى عكس الكلمة كلياً

الكلمة الخامسة

الكلمة القصيمية ....... مرادفها الانجليزي

..... كوُد ................... CODE ......

وهي احدى اخوات كان وهي اسلوب من اساليب التمنى والتوأم الروحي لكلمة ( ليت ) ويضاف اليها احيانا الضمائر

ويتيبن انه معنى الكلمة يختلف عن معناها الانجليزي والسبب في ان القصمان بسيطين وحبيبين وماعندهم تشفير وارقام سريه

وخرابيط قالوا خل نخليها اسلوب من اساليب التمني ومعناها ياليت

ومثال ذلك : تقول الام لابنها الدلخ : كودك ياوليدي تطلع الاول

ومعنى الجملة:ياليتك يابني تطلع الاول

الكلمه السادسه

الكلمة القصيمية ............ مرادفها الانجليزي

..... نيم .......................... name .......

نيم بمعنى ( نائم )...حذفت الالف وقلبت الهمزة الى ياء للتخفيف.. تقول الام لابنتها: وين اخوتس ...تقول البنت : مدري يماه

بس الظاهر انه نيم..

معناها انه نايم

الكلمه السابعه

الكلمة القصيمية ......... مرادفها الانجليزي

.... إيت .......................... eat .......

إيت بمعنى ( تعال ) يقول الزوج لزوجته في ليلة الدخله: ايتي عندي هنيا...بمعنى : تعالي بجواري او الى بجانبي..

الكلمه الثامنه

الكلمة القصيمية ....... مرادفها الانجليزي

..... مارج ............ marriage .......

المارج بمعنى : الشخص الذي يتكلم عن الجنس دون تحفظ .. يقول صالح لحمد : شوف ولدتك المارج يخرب عيالي ...

ويلاحظ اختلاف المعنى في الكلمتين الانجليزية والقصيمية..والسبب انه قديماَ عندما رأى القصمان ان زواج الانجليز هكّ

وهكّين وكله خبط لزق قالوا نخلي كلمتهم ( marriage ) تعني عندنا الفاهر..

الكلمه التاسعه

الكلمة القصيمية ........ مرادفها الانجليزي

.... يويق ................... You egg ......

يويق او كما تلفظ ( يويدز ) بمعنى : ينظر الى الشي بخلسه

تقول البنت لامها : يمه شوفي اخوي يويدز علي ...

وظل اللغز حائراَ كيف استوحى اهالي القصيم هذه الكلمة من البيض... ورجح احد العلماء ان الشخص الذي يويق يكون ذليلاَ

وتصير خشته كبر البيضه..

معناها ينظر الى

الكلمه العاشرة

الكلمة القصيمية ............... مرادفها الانجليزي

.... سادّ ............................... sad ..........

سادّ او سادّه بمعنى : تستاهل او هذا جزاؤك...

تقول الام لابنها الشيطاني عندما طاح من السرير: سادّه ياتسلب هذا اللي مايسمع الكلام...

بمعنى : هذا جزاؤك ايها الاخرق عندما لاتسمع الكلام...

وعلل علماء اللغه ان الشخص بعد ان يأخذ جزاؤه يغلب عليه الحزن والاسى لذلك استوحى القصمان هذه الكلمة من sad

ايضاَ

كلمة ( وينهوبوه ) : هذه الكلمه لها مدلولات خاصه فقد ذكر العلماء انها اصل اللغه العربيه لما تحمله في طياتها الشئ الكثير
فهي صيغة سؤال ... تسأل عن المكان والزمان في آن واحد...

كلمة ( أويلاه) : وهي صيغة من صيغ الترجي والادب الرفيع

حيث يقول الشخص لراعي البقاله : اويلاه عطن خبز بثلاثتريل...

بمعنى : لو سمحت اعطني خبزاَ بثلاث ريالات..

كلمة ( مير ) : وهي كلمة تكون جواب لفعل الشرط او بمعنى لكن ...

يقول الولد لابيه : رحت البقاله يباه... مير القاها صاكه..

بمعنى : ذهبت الى السوبر ماركت ولكنني وجدتها مقفله...

كلمه ( اهفك . اهفتس . اصنك ) وهي كلمه تقال للي يرفع الضغط يعني ينشب بالحلق

بمعنى لو قال الأب لأبنه اقلب وجهك لا اهفك بالكاس..

كلمه ( أصبخك ) وهي أداه تستخدم للضرب وتعني الضرب بالمفهوم العام

بمعنى لوالطفل ازعج والدته تقول له الأم. وخر عن حشتي لا اصبخك.

كلمه ( هيس أربد ) أنا سالت كذا عجوز من معارفنا كلهم قالو تعني الحمار وانتم كرامه

عاد ماادري هالعجز صادقات ولا بس يبن يفتكن من ! ماعلينا عجز مخرفات.

كلمه ( الفزوه ) كلمه يقولها الشخص الذي يريد أن يدخل شيئاً ما بمعنى أن تقول الأم لأبنها خذ هذا الفزوه بمخباتك .

كلمه ( تعال وزني ) هي آداه تستخدم لطلب الشخص للجلوس بجانبه .. بمعنى أن تقول الأم لأبنتها تعالي وزني أشوف

كلمه ( هج ) تعني أفتح ... بمعنى أن يقول الأب لأبنه تعال هج الباب بدخل..

كلمه ( المدربان ) تعني المكان الموجود بين الغرف اللي يسمونه السيب مثلا ..يقول الأب ياهيش خوذي القهوه من المدربان

كلمه ( كزوه ) هي فعل أمر وتعني كزوه أرسل الشيء .. مثلا .. دوك ياوليدي كز العشاء للجيران.

كلمه ( بوه ) تعني يوجد الشخص أو الشيء . مثلاً . سألت ألام أبنتها اليوم بوه واجبات عندتس .

كلمه ( كشره+ خشه =الفم ) <<<<< لغير الناطقين باللهجه القصيميه

كلمه ( هرج+احتس + قرق + هذر +رغي) كلمات تعني تكلم . مثلاً . تقول ألام انت وراك ما تهرج وش صار

كلمه ( منكبه ) تعني متسدحه ومنسدحه تعني متمدده على الأرض

كلمه ( ابحلق ) تعني اناظر <<< مليت من الشرح

خلاص مليت وانا اشرح بقول الكلمه ورد غطاه

انطم + الفقه = اسكت

اغولك =أخنقك

طمبس = أخفض رأسك

مبوبز = جالس على قدميه

بساقتوه = يمشي خلفه

نهزي + سبعي = نظفي المواعين

أنهج = اسرع

يبربس = يلعب بالماء

طسي = اذهبي

امردوه = اقبصه

امردغك + ارنعوه + اكمخك = اضربك

الطايه = السطح

انبطح + انجطل = تمدد وانسداح

اقعبوه = اشربوه

اجغفك + امطخك = ابوسك

تهلس + تعقب = تكذب

ياسفابوه = ياخساره

اسفهوه = اتركوه

تشعمط =تعلق

تغز = تأشر

فحزي = ابعدي

يبزخ = يسقط

يحلت = يرمي

اشقلك = احملك

تروتسع = تصلي

وش كاري = لاشأن لي

ياهملالي = منذو زمن بعيد

وخزياه = دليل على الحساء

أدنات الدون = أي شي

قوطي = علبه

يسد = خلاص

ياعرزي + معاليزي = تعبير عن الحب

سردادي مردادي = ذهاب وعوده

سربوت + داشر + طعس = ضائع وخربان

أشوه + اهوه = اعطني

ياحلالي يابلالي = هل تخدعني

وش حيثوه = لماذا هو فقط

كل أبونا = الجميع

كلن هرج = الجميع تكلم

نوبه ثانيه = مره أخرى

أنغزوه = اضغطه

أنخسي + انثبري = اسكتي

أكرشوه = اطردوه

أقحش = خذ كميه

لطعن = الأصابه بشي حار

شدوق = خدود

يبطي = يتأخر

======================

ولديكم بعض الدعاوي :

الله يسمت عليتس

نعنبوا دارتس

نفرن يهماتس

يامال الطاعوش

جعل عدوتس للساحق الماحق والمرض المتلاحق اللي يسحقوه ويمحقوه وين مايطس يلحقوه

اخسروه تسنوه تسلب

يمال الجنه البارده

راحت روحتس

بعد بعد هذا الناقص

فرقعين جدي

بقريح يطيربتس

شطنطربوه

كود اندس
=================
عاد ترى كل العجز رفعن ضغطي يعطنن كلمات بدون معنى ولا ينافخن علي تقل اصغر بزرانهن

هذه اشهر الكلمات باللهجه القصيميه المتشابهه مع الانجليزيه ويشتهرون بقلب الكاف إلى ( تس )

وكذلك يشتهرون بنون النسوه الزائده في الكلام

وهــ بس تعبت ياحبيل القصمان

وسلااااااامتكم

والله كلمات غريبه وتفطس ضحك
نصها انا اقولها مثل طسي وكل ابونا وكلن هرج ...........

تسلم الايادي كل ابوها
يعطيك العافيه

تقبلي مروري

((يا هملالي)) من زمااااااااااااااااااااااااااااااااان وأنا أبغى أعرف معناها............
بس تبغي الصراحة اللهجة الحجازية أسهل
وتسلمي ياالغالية
شكراً لكِ

مشكورين ع مروركم
وحياكم الباري

سبحاااااااااااااااان مغير اللهجااااااااااااااااااااات ،

ويعطيكي العافية ...

هلا الاخ الطيب

مشكور ع مرورك

مشكووووووووووووره ياقلبي على الطرح الرائع