الزكاة ،، الزكاة ،، أرجوا المساعدة

السلام عليكم و رحمة الله و بركااته ،،

كيف حالكم أخواني و أخواتي ،،

اليوم حبيت أطرح عليكم قصة وحدة من قريباتي إللي لها معزة خاصة بقلبي و أتمنى أنكم ما تبخلون عليها بآرائكم ،،،

الله يسلمكم قريبتي هذي تطلع زكاتها في كل إجازة صيف تقريبا ،،، و لكن هذي السنة ما طلعت زكاتها لأن بطاقتها مالت البنك عند زوجها و هو مو راضي يعطيها الفلوس بحجة أنهم قاعدين يبنون دور ثاني لبيتهم و مديونين على الآخر ،، و زوجها يقول لها ،، مو لازم ندفع الزكاة لأن الله يعلم أحنا شكثر محتاجين لهالفلوس ،، ،،، و زكاة قريبتي تقريبا 300 دينار == 3000 ريال سعودي ،،، و هي من كثر ما عورها قلبها على هذي السالفة ،، فقالت لزوجها أعط أهلك منها 100 دينار == 1000 ريال سعودي ،، لأنه كل شهر يعطي أهله مصروف بهالمبلغ ،، و عشان تخفف من الزكاة شوي ،، و الحين هي محتارة و مو عارفة شتسوي ،، و كيف تخرج زكاتها المتبقية ،،، و هي سألت أحد الشيوخ بخصوص هالسالفة و قال لها الله يعينج و بس ،،، فأرجوا منكم أعزائي أنكم تفيدوني إذا عندكم حل لهالمشكلة ،،،

و هي قبل لا تقول لي مشكلتها ،، قالت لي لا تغلطين نفس غلطتي و تصيرين طيبة زيادة عن اللزوم و تعطين بطاقة البنك لزوجج عقب ما تتزوجين ،،،

و أنا في انتظار آرائكم و مشورتكم ،، و جزاكم الله خير